پاگل آنکھوں والی لڑکی
اتنے مہنگے خواب نہ دیکھو
تھک جاؤ گی
کانچ سے نازک خواب تمھارے
ٹوٹ گئے تو پچھتاؤ گی
تم کیا جانو۔ ۔ !!!
خواب۔ ۔ ۔ سفر کی دھپ کے تیشے
خواب۔ ۔ ۔ ادھوری رات کا دوزخ
خواب۔ ۔ ۔ خیالوں کا پچھتاوا
خوابوں کا حاصل تنہائی
مہنگے خواب خریدنا ہوں تو
آنکھیں بیچنا پڑتی ہیں
رشتے بھولنا پڑتے ہیں
اندیشوں کی ریت نہ پھانکو
خوابوں کی اوٹ سراب نہ دیکھو
پیاس نہ دیکھو
اتنے مہنگے خواب نہ دیکھو
تھک جاؤ گی
No comments:
Post a Comment